კონვერტაციის სქემა

საზღვარგარეთ POS ტერმინალის ან ბანკომატის მომსახურე ბანკი, იმ ქვეყნის ვალუტით გადახდის ან განაღდების ნაცვლად, მომხმარებელს ხშირად ალტერნატიულ ვარიანტს „დინამიკური კონვერტაციის მეთოდით გადახდას ან განაღდებას“ (Dynamic Currency Conversion (DCC) სთავაზობს. ამით მომხმარებელს საშუალებას აძლევს, უცხოეთში ყოფნისასაც ლარში/ან სხვა ქვეყნის ვალუტაში შეასრულოს ტრანზაქცია.  DCC სერვისი 66-ზე მეტ ვალუტაში ფუნქციონირებს და POS ტერმინალის ან ბანკომატის მომსახურე ბანკის შემოსავალს წარმოადგენს.

• საერთაშორისო MasterCard და Visa ბარათებით გადახდის ან ბანკომატში განაღდების მომენტში უცხოური მერჩანტი კლიენტს ტრანზაქციის შესრულებას ლარში ან სხვა ქვეყნის ვალუტაში სთავაზობს;
• DCC სერვისით გადახდის ან განაღდების დროს მერჩანტი/POS ტერმინალის ან ბანკომატის მომსახურე ბანკი ვალდებულია, გამჭვირვალედ, ბანკომატის ან POS ტერმინალის ეკრანზე ჩვენებით შეატყობინოს, თუ რამდენს გადაიხდის ან გაანაღდებს მომხმარებელი გადახდის (ყიდვის) ან განაღდების დროს ლარში ან სხვა ვალუტაში. შესაბამისად, მომხმარებელი თავად ირჩევს იმ ვალუტას, რომელიც აწყობს და შემდგომ მისთვის უკეთეს ვარიანტს ადასტურებს;
• DCC სერვისის დადასტურებისა და შესრულების შემდეგ, მომხმარებლის ჩეკზე ჩანს კონვერტაციის კურსი, შესაბამისი ვალუტა და თანხა, რაც ჩამოიჭრება. ეს ეხმარება მას, აირჩიოს, თუ რა ვალუტაში გადაიხადოს ან გაანაღდოს ბარათით და ამავდროულად, აკონტროლოს ბარათის ნაშთი შესაბამის ვალუტაში;
• ტრანზაქცია კონვერტირდება შესყიდვის ან განაღდების მომენტში POS ტერმინალის/ ბანკომატის მომსახურე ბანკის მიერ, ტრანზაქციის ავტორიზაციამდე. კონვერტაციის კურსს ადგენს POS ტერმონალის ან ბანკომატის მომსახურე ბანკი, რადგან ეს მის შემოსავალს წარმოადგენს. DCC შემთხვევაში, ტერაბანკი შემოსავალს არ იღებს.

• მომხმარებელს აქვს ვალუტის არჩევის შესაძლებლობა. გამჭვირვალედ ხედავს დაკონვერტირებულ თანხას ტრანზაქციის დადასტურებამდე;
• ვალუტის გაცვლით კურსს მომხმარებელი იგებს და ირჩევს ტრანზაქციამდე;
• სერვისის შედეგად, მომხმარებელი ადვილად იღებს ჩეკსა და საბარათე ამონაწერს. აქვს საბარათე ნაშთის კონტროლის შესაძლებლობაც.