Google Pay

დაამატე შენი ბარათი Google Wallet-ში და გადაიხადე სადაც გინდა უფრო მარტივად, ტელეფონის ერთი შეხებით:

სავაჭრო და მომსახურების ობიექტებში;
აპლიკაციებსა და ვებგვერდებზე.

რატომ Google Pay:

დააწკაპე და გადაიხადე

Google Wallet-ის დახმარებით, შეგიძლია, დააწკაპო და გადაიხადო ზედმეტი ძალისხმევის გარეშე. უბრალოდ ისიამოვნო შენი ტელეფონის მოსახერხებელი და დაცული გადახდის პროცესით მთელ მსოფლიოში — ყველგან, სადაც Google Pay და უკონტაქტო ანგარიშსწორებაა შესაძლებელი. უბრალოდ განბლოკე ტელეფონი და მიიტანე ის ტერმინალთან.

სისწრაფე

Google Wallet საშუალებას გაძლევს, შენი ციფრული საფულე სწრაფად იყოს ხელმისაწვდომი: ლოქსქრინით, ხმოვანი ბრძანებით ან მთავარი ეკრანით. შეგიძლია, გადმოიტანო და შეინახო მასში ბარათები და ბილეთები Gmail-იდან, Google Photos-დან თუ Google-ის სხვა სერვისებიდან და მარტივად დააორგანიზო ისინი.

უსაფრთხოება და კონფიდენციალურობა

Google Wallet უფრო უსაფრთხოა, ვიდრე შენი ფიზიკური საფულე და დაცულია ყველაზე თანამედროვე პარამეტრებით. მათ შორისაა: ორსაფეხურიანი ვერიფიკაცია, Find My Phone, მონაცემების დისტანციურად წაშლა და ა.შ;

Google Wallet-ის თითოეულ ნაწილში უსაფრთხოება და კონფიდენციალურობაა ინტეგრირებული, ამიტომ შენი ყველა ინფორმაცია მაქსიმალურადაა დაცული. ანდროიდით გადახდის დროს, Google Pay ბიზნესს ბარათის ნომერს არ უზიარებს, რაც ნიშნავს, რომ შენი ტრანზაქციები უსაფრთხოდაა დაშიფრული გადახდამდე, გადახდის დროს და გადახდის შემდეგ.;

ამას გარდა, Google Wallet-ში, კონფიდენციალურობის პარამეტრების დახმარებით, თავად აკონტროლებ პირად მონაცემებს, შენ განსაზღვრავ, ვინ ხედავს და იყენებს მათ.

იმისათვის, რომ ისარგებლო Google Wallet-ით, შენს ტელეფონს უნდა ჰქონდეს:

ანდროიდის 5.0 ან უფრო ახალი ოპერაციული სისტემა;
NFC მხარდაჭერა. დეტალები იხილე ბმულზე;
მობილურის პარამეტრებიდან Google Wallet-ი ძირითადი გადახდის მეთოდად უნდა იყოს არჩეული (Default mobile payment service);
ტელეფონზე დაყენებული უნდა იყოს UNLOCK ფუნქციონალი.

Google Pay-სთან თავსებადი მოწყობილობების სრული სია

სად და როგორ გამოიყენო Google Pay:

სავაჭრო და მომსახურების ობიექტებში გადახდისას;
აპლიკაციებსა და ვებგვერდებზე გადახდისას;
პარტნიორი ბანკის (ლიბერთი ბანკის) ბანკომატიდან უკონქატქო განაღდებისას;
ტრანსპორტში გადახდისას.

Google Pay-თ გადახდა სავაჭრო ობიექტებში:

გამოიყენე შენი ანდროიდი მარტივი, უკონტაქტო გადახდებისთვის;
დაამატე სადებეტო ან საკრედიტო ბარათი Google Wallet-ში;
როცა მზად იქნები გადახდისთვის, განბლოკე ტელეფონი (მობილური ტელეფონის განბლოკვის და Google Wallet აპლიკაციის გახსნის გარეშე შესაძლებელია 100 ლარამდე ოდენობის ტრანზაქციის შესრულება; უსაფრთხოების მიზნით ყოველ მე-4 გადახდაზე დაგჭირდება ტელეფონის განბლოკვა);
მიიტანე ახლოს ტერმინალთან;
დაელოდე Check ნიშანს და დარწმუნდი, რომ გადახდა შესრულდა.

Google Pay-ით გადახდა აპლიკაციებსა და ვებგვერდებზე:

დაამატე სადებეტო ან საკრედიტო ბარათი Google Wallet-ში;
როცა მზად იქნები გადახდისთვის, აირჩიე Google Pay გადახდის მეთოდად ან დააწკაპე ღილაკს Pay with Google Pay;
სულ ესაა, ფორმის შევსება ან შენი გადახდის ინფორმაციის წარდგენა აღარ გჭირდება.

Google Pay-ით გადახდა ტრანსპორტში:

ტრანსპორტში როგორც ბარათით, ასევე Google Pay-ით გადახდისას ჩამოგეჭრებათ 1 ლარი.