ჩვენი ახალი პროდუქტის დახმარებით, საცხოვრებელი ბინის ან სახლის შეძენა ძველის სანაცვლოდ უკვე მარტივია. „გადადი ახალ ბინაში“ სპეციალურად ამ მიზნით შეიქმნა და მისი უპირატესობა ორი პარალელური — დროებითი და ძირითადი სესხების ერთდროულად გაცემაა.
მიღებული თანხით მომხმარებელი სასურველ უძრავ ქონებას შეიძენს და საკუთარი, არსებული ბინის რეალიზაციისთვის მას დამატებითი დრო, 6 თვე მიეცემა, რის შემდეგაც სრულად უნდა დაფაროს დროებითი სესხი.
პროდუქტის დამატებითი უპირატესობა მისი პირობებია: ძირითადი სესხი სტანდარტული იპოთეკური სესხის პირობებით გაიცემა, დროებითი კი — შემოსავლების შესწავლის გარეშე. დროებითი სესხის საპროცენტო განაკვეთი 0%-ია, ეფექტური საპროცენტო განაკვეთი - 7.1%-დან, გაცემის საკომისიო - 3%, დაფარვის პირობა კი - ვადის ბოლოს.
მომხმარებელი, რომელიც ახალი პროდუქტით ისარგებლებს, უძრავი ქონების შეძენას როგორც სამშენებლო კომპანიისგან, ისე ფიზიკური პირისგან შეძლებს. სესხი ლარში, აშშ დოლარსა და ევროში გაიცემა.
