ტერაბანკმა ნიდერლანდების განვითარების ბანკთან 45 მილიონი ლარის მოცულობის გრძელვადიანი სასესხო ხელშეკრულება გააფორმა. მიღებული დაფინანსება ტერაბანკის პრიორიტეტული მიმართულებების - მცირე და საშუალო ბიზნესის განვითარებასა და ახალგაზრდა მეწარმეების მხარდაჭერას მოხმარდება.
ახალი თანამშრომლობა კიდევ ერთხელ ადასტურებს ნიდერლანდების განვითარების ბანკის მიერ ტერაბანკისა და საქართველოში საინვესტიციო საქმიანობის მხარდაჭერას. მნიშვნელოვანია, რომ მიღებული დაფინანსება საქართველოში ფინანსურ რესურსებზე ხელმისაწვდომობისა და საინვესტიციო პოტენციალის ზრდას შეუწყობს ხელს.
ტერაბანკსა და ნიდერლანდების განვითარების ბანკს შორის გრძელვადიან ურთიერთობას საფუძველი 2017 წელს ჩაეყარა. ბანკმა FMO-სგან 30 მილიონი ლარის ოდენობის ინვესტიცია გასულ წელსაც მიიღო.
