ბიზნეს სესხი ხელმისაწვდომია როგორც ფიზიკური, ისე იურიდიული პირებისა და ინდივიდუალური მეწარმეებისთვის, თუმცა პრიორიტეტულ ჯგუფებს წარმოადგენენ:
- მეწარმე ქალები;
- ახალგაზრდა მეწარმეები;
- სტარტაპები;
- მეწარმეები, რომლებიც ინვესტიციების განხორციელებას განახლებადი ენერგიებისა და ენერგოეფექტური ტექნოლოგიების მიმართულებით გეგმავენ;
- იურიდიული პირები, რომლებსაც არაუზრუნველყოფილი ბიზნეს ოვერდრაფტით სარგებლობა სურთ.
სესხის პირობები
უგირავნო ბიზნეს სესხი შესაძლებელია გაიცეს სხვა საკრედიტო პროდუქტთან ერთად, ან სუბსიდირების სახელმწიფო პროგრამების გამოყენებით.
უგირავნო ბიზნეს სესხი გაიცემა ნიდერლანდების განვითარების ბანკის (FMO) საგარანტიო პროგრამა NASIRA-ს ფარგლებში. პროგრამა ქვეყანაში მოქმედი მიკრო, მცირე და საშუალო ბიზნესებისთვის ფინანსურ რესურსებზე ხელმისაწვდომობის გაზრდას ისახავს მიზნად. იგი ევროკავშირისა და ნიდერლანდების მთავრობის დაფინანსებით ხორციელდება.
უგირავნო ბიზნეს სესხის პროდუქტები
არსებული შემოსავლების საფუძველზე სესხი გაიცემა:
- ფიზიკურ პირებსა და ინდივიდუალურ მეწარმეებზე;
- იურიდიულ პირზე, რომლის დირექტორი ან 50%-ზე მეტი წილის მფლობელი პარტნიორი ქალია.
არსებული შემოსავლების საფუძველზე სესხი გაიცემა: ფიზიკურ პირზე ან ინდივიდუალურ მეწარმეზე, რომლის ასაკიც მაქსიმუმ 35 წელია; იურიდიულ პირზე, რომლის დამფუძნებლის ან დირექტორის ასაკი მაქსიმუმ 35 წელია.
Start Up სესხით სარგებლობისთვის არსებული შემოსავალი სავალდებულო არ არის. მისი დამტკიცება მომხმარებელს მხოლოდ საპროგნოზო შემოსავლებზე დაყრდნობითაც შეუძლია.
არაუზრუნველყოფილი ბიზნეს ოვერდრაფტი იურიდიულ პირებზე მხოლოდ საბანკო ბრუნვებზე დაყრდნობით გაიცემა.
ბიზნეს ეკო სესხი გაიცემა არსებული შემოსავლების საფუძველზე ფიზიკურ ან იურიდიულ პირზე ან ინდივიდუალურ მეწარმეზე, რომლის ინვესტიციები ემსახურება:
- ენერგიის დაზოგვას;
- განახლებადი ენერგიების მიღებას;
- გარემოზე დადებით ზეგავლენასა და ჰაერის დაბინძურებისგან დაცვას;
- ენერგოეფექტური მოწყობილობების ან განახლებადი ენერგიის ტექნოლოგიების ხელმისაწვდომობის გაზრდას;
- ენერგოეფექტური პროდუქციის ან განახლებადი ენერგიის მისაღებად საჭირო ტექნოლოგიების წარმოებასა და ასეთი ტექნოლოგიებით ვაჭრობას.
