მცირე და საშუალო ბიზნესის მხარდამჭერი კამპანიის ფარგლებში ამჯერად რაჭას, კერძოდ, სოფელ ნიკორწმინდას ვეწვიეთ და ჩვენს ბიზნესკლიენტს - კოტეჯ "მანუსკრიპტს" ვესტუმრეთ.
კოტეჯი 1 წელია, რაც ფუნქციონირებს, თუმცა რეგიონში უკვე საკმაო პოპულარობით სარგებლობს და წლის განმავლობაში ნებისმიერ სეზონზე უამრავ დამსვენებელს მასპინძლობს. კოტეჯის სივრცე გათვლილია 4 ვიზიტორზე, რომლებიც დასვენებას მყუდრო და კომფორტულ გარემოში შეძლებენ.
რაჭა არა მხოლოდ ულამაზესი ბუნებით, არამედ მდიდარი კულტურული და ისტორიული მემკვიდრეობითაც გამოირჩევა. სწორედ ამ უნიკალური გარემოს ნაწილია კოტეჯი „მანუსკრიპტი“, რომელიც ნიკორწმინდის ტაძართან და შაორის ტბასთან ახლოს მდებარეობს. ეს ადგილმდებარეობა მას მიმზიდველ არჩევანად აქცევს როგორც უცხოელი ტურისტებისთვის, ისე ადგილობრივი დამსვენებლებისთვის.
კოტეჯის მეპატრონის, თამარ გაბადაძის, თქმით, კოტეჯის მშენებლობის პროცესი არაერთ სირთულესთან იყო დაკავშირებული, რომელთაგან ერთ-ერთი ყველაზე მნიშვნელოვანი ფინანსური მხარდაჭერის მოპოვება იყო. მისი თქმით, ყველაზე ხელსაყრელი და მისაღები პირობები ტერაბანკმა შესთავაზა, რის შედეგადაც გაფორმდა სასესხო ხელშეკრულება. იდეის განხორციელებაში მათ მნიშვნელოვანი მხარდაჭერა სააგენტომ „აწარმოე საქართველოში“ გაუწია, რომელმაც აგროტურიზმის პროექტის ფარგლებში სესხის თანადაფინანსება უზრუნველყო.
ბიზნესკლიენტებისთვის ბრენდირებული საჩუქრების გაგზავნასა და მათი საქმიანობის პოპულარიზაციისთვის დამატებითი აქტივობების ინიცირებას ამ ეტაპზეც ვაგრძელებთ. გვჯერა, რომ ეს პროექტი ჩვენს ბიზნესკლიენტებს ცნობადობის გაზრდასა და მომხმარებლებისთვის უკეთესი მომსახურების შეთავაზებაში დაეხმარება, ჩვენი პარტნიორული ურთიერთობა კი მათთან კიდევ უფრო გაძლიერდება.
