მცირე და საშუალო ბიზნესის მხარდამჭერი კამპანიის ფარგლებში წელს ბორჯომში, სოფელ სადგერში, მდებარე სასტუმროს - Emerald Cottages ვესტუმრეთ.
ბიზნესმა ფუნქციონირება 3 წლის წინ დაიწყო. დღეს კი უკვე 4 კოტეჯს მოიცავს და უამრავ სტუმარს მასპინძლობს როგორც საქართველოდან, ასევე უცხოეთიდან.
ყველაფერი დაიწყო იდეითა და სურვილით, ბორჯომში შექმნილიყო ტურისტული სივრცე, რომელიც დამსვენებლებს ხარისხიან მომსახურებასა და სასიამოვნო გარემოს შესთავაზებდა.
როგორც ბიზნესის დამფუძნებელი, ბექა გეგეშიძე, ამბობს, პროექტის დაწყება საკმაოდ რთულ გამოწვევებთან იყო დაკავშირებული, თუმცა თავდაუზოგავი შრომის, სწორი მენეჯმენტისა და შესაბამისი პარტნიორების მოძიების შედეგად პროცესი წარმატებით დასრულდა.
მოხარულები ვართ, რომ პროექტის განხორციელებაში ტერაბანკმაც შეიტანა წვლილი. კერძოდ, მისი მხარდაჭერითა და შუამდგომლობით შედგა პარტნიორობა სააგენტოსთან „აწარმოე საქართველოში“, რის შედეგადაც დაფინანსდა კოტეჯების მშენებლობა და დამფუძნებლებს ბიზნესის გაფართოების შესაძლებლობა მიეცათ.
აღსანიშნავია, რომ კოტეჯების ტერიტორიაზე გაიხსნა მარკეტი, უახლოს მომავალში კი გაიხსნება რესტორანიც, სადაც დამსვენებლებს გამორჩეული კერძების დაგემოვნება შეეძლებათ.
აქ მოსულ სტუმრებს ლამაზი ხედები, კომფორტული გარემო და სიმშვიდე დახვდებათ. განვითარებაზე მუდმივი ზრუნვა კი მომსახურების ხარისხს კიდევ უფრო აუმჯობესებს და რეგიონში ტურიზმის განვითარებას უწყობს ხელს.
აღსანიშნავია, რომ ბიზნესკლიენტებისთვის ბრენდირებული საჩუქრების გაგზავნასა და მათი საქმიანობის პოპულარიზაციისთვის დამატებითი აქტივობების ინიცირებას ამ ეტაპზეც ვაგრძელებთ. გვჯერა, რომ ეს პროექტი ჩვენს ბიზნესკლიენტებს ცნობადობის გაზრდასა და მომხმარებლებისთვის უკეთესი მომსახურების შეთავაზებაში დაეხმარება, ჩვენი პარტნიორული ურთიერთობა კი მათთან კიდევ უფრო გაძლიერდება.
